May panibagong pasabog diumano si Duterte sa kung sino ang korap sa mga kandidato sa pagkapangulo. Nagtatangkang maging “relevant” ang “lame duck” na pangulo. Nag-iingay ang pato para hindi siya katayin pagtapos ng kanyang termino at upang hindi mabawi ang naipon niyang itlog sa anim na taon.

Pamumulitika ang inaatupag ng hambog na si Duterte, imbes na konsentrahan ang mga krisis sa kalusugan, kabuhayan, klima, at karapatan.

Kung talagang pagmamalasakit sa bayan at hindi simpleng pagpwesto para sa negosasyon ang kabanatang ito, hinahamon natin ang pangulo na maglabas ng ebidensya hindi lang puro patutsada.###